2026 წელი კომაროვის სკოლისთვის საერთაშორისო ასპარეზზე გამორჩეულად წარმატებულად დაიწყო - სკოლამ ერთდროულად იზეიმა როგორც მოსწავლეების, ისე პედაგოგების მნიშვნელოვანი გამარჯვებები.

ჟაუტიკოვის სახელობის რიგით 22-ე საერთაშორისო ოლიმპიადა წელს ყაზახეთის ქალაქ ალმათიში გაიმართა. მასში მონაწილეობა მხოლოდ ფიზიკა-მათემატიკის სკოლის გუნდებსა და მოსწავლეებს შეუძლიათ.

წელს ინტელექტუალურ შეჯიბრში მონაწილეობა 16 ქვეყნიდან 700-მდე მოსწავლემ მიიღო. 

ოლიმპიადა მაღალი კონკურენციის პირობებში წარიმართა.

შედეგად, კომაროვის სკოლის მოსწავლეები სამშობლოში 9 მედლით დაბრუნდნენ. ტურნირი, როგორც გუდრურ, ასევე, ინდივიდუალურ შეჯიბრს მოიცავს. წლევანდელი ჟაუტიკოვის ოლიმპიადის პრიზიორი კომაროველები არიან:

ცოტნე გიორგაძე-ოქროს მედალი 

ნიკოლოზ მელიქიშვილი-ვერცხლის მედალი

საბა ფერაძე - ვერცხლის მედალი 

ირაკლი შეროზია -ვერცხლის მედალი 

სანდრო ჟღენტი -ვერცხლის მედალი 

მირზა შანიძე - ვერცხლის მედალი 

ირაკლი მექვაბიშვილი-ბრინჯაოს მედალი

ინდივიდუალურ შეჯიბრში პრიზები გადაეცათ:

საბა გოდუაძე-ვერცხლის მედალი 

ანდრია ვასაძე-ბრინჯაოს მედალი

კომაროვის სკოლის გუნდს ჟაუტიკოვის სახელობის ოლიმპიადაზე ხელმძღვანელედნენ ივიკო კობაიძე და თეიმურაზ კალატოზი, რომელთა წვლილი მიღებულ შედეგებში უმნიშვნელოვანესია. 

მოსწავლეთა წარმატების პარალელურად კომოაროვის სკოლის პედაგოგებმა ღირსეული გამარჯვება - მასწავლებელთა და ოლიმპიელ მწვრთნელთა რიგით VII საერთაშორისო ტურნირზე მოიპოვეს.

მასწავლებლებმა 3 ოქროს, 2 ვერცხლის, ხოლო ტრენერთა ლიგაში 1 ბრინჯაოს მედალი მოიპოვეს.

ტურნირი ყაზახეთის განათლების სამინისტროსა და ალმატის ფიზიკა-მათემატიკის სკოლის ორგანიზებით ჩატარდა. მასში მონაწილეობა მიიღო 30-მდე სკოლის 200-ზე მეტმა პედაგოგმა და საგნობრივი წრის ხელმძღვანელმა. გამარჯვებული პედაგოგები და წრის ხელმძღვანელები არიან:

ივანე კვიტაშვილი -მათემატიკის პედაგოგი, ოქროს მედალი

ლერი ბანცური -მათემატიკის პედაგოგი, ოქროს მედალი 

თეიმურაზ კალატოზი -ფიზიკის პედაგოგი, ოქროს მედალი

ვახტანგ კურცხალია - ფიზიკის პედაგოგი, ვერცხლის მედალი

გიორგი ლომიძე - ფიზიკის პედაგოგი, ვერცხლის მედალი

ტრენერთა ლიგა- გიორგი გრიგოლია -ბრინჯაოს მედალი!

კომაროვის სკოლა ულოცავს მოსწავლეებს, პედაგოგებსა და წრის ხელმძღვანელებს ამ ორმაგ საერთაშორისო წარმატებას და უსურვებს კიდევ მრავალ გამარჯვებას მეცნიერებისა და განათლების გზაზე!