კომაროვის სკოლაში ნიკოლოზ ბარათაშვილის შემოქმედებისადმი მიძღვნილი თეატრალიზებული ღონისძიება, ლიტერატურული საღამო გაიმართა, რომელშიც მონაწილეობდნენ კომაროვის სკოლის სხვადასხვა კლასის მოსწავლეები. 

მათ ბარათაშვილის პოეზიიდან წაიკითხეს გამორჩეული ლექსები, გააცოცხლეს მე-19 საუკუნის სალონური ყოფა, წარმოადგინეს ეპიზოდური სცენები პოემიდან „ბედი ქართლისა“. 

ბარათაშვილის 200 წლის იუბილესადმი მიძღვნილი ღონისძიების ფარგლებში ჩატარდა კალიგრაფიისა და ნახატების კონკურსი. გამოვლიდნენ გამარჯვებულები, რომელთაც გადაეცათ სპეციალური სერტიფიკატები. 

კომაროვის სკოლა შემოქმედებით ჯგუფს მათ ხელმძღვანელთან ერთად უსურვებს წარმატებას!