დაიწყო რეგისტრაცია „STEM ოლიმპიადა“-ზე. ოლიმპიადაში მონაწილეობის მიღება შეუძლია საქართველოს მასშტაბით საჯარო და კერძო სკოლების VII -დან XI კლასის ჩათვლით მოსწავლეებისაგან შემდგარ გუნდებს, გარდა ფიზიკა-მათემატიკური სკოლებისა.

ოლიმპიადაში მონაწილეობის მისაღებად სკოლამ უნდა დაარეგისტრიროს VII – XI კლასელი 5 მოსწავლისგან შემდგარი გუნდი;

ოლიმპიადა ტარდება ორ ტურად:

ა) პირველ ტურში მოსწავლეები ინდივიდუალურად შეასრულებენ ფიზიკის და მათემატიკის დავალებებს (გასული წლის ოლიმპიადისგან განსხვავებით პირველ ტურში ინფორმატიკის დავალებები აღარ იქნება) პირველი ტურის შედეგების მიხედვით გამოვლინდება 10 საუკეთესო შედეგის მქონე გუნდი, რომელიც ასპარეზობას გააგრძელებს ფინალში;

ბ) მეორე (ფინალურ) ტურში მოსწავლეები გუნდურად შეასრულებენ STEM პროექტებს ელექტრონული კომპონენტების (Arduino-ს ნაკრების) საშუალებით;

საპრიზო ადგილებზე გასული გუნდები დაჯილდოვდებიან სპეციალური პრიზებით, ყველა მონაწილე მიიღებს სერტიფიკატს; 

ოლიმპიადას ატარებს კომაროვის სკოლა და საქართველოს ბანკი, მასში მონაწილეობა კი უფასოა;

პროექტის ფარგლებში, ფინალში გადასული გუნდების მენტორები და მოსწავლეები გაივლიან 3-თვიან კონსულტაციებს მიკროკონტროლერ Arduino-ს დაპროგრამებასა და მისი საშუალებით STEM პროექტების შესრულების მიმართულებით;

ოლიმპიადაზე რეგისტრაცია გაგრძელდება 8 დეკემბრის ჩათვლით;

დეტალური ინფორმაციის სანახავად ეწვიეთ ბმულს: https://stem.school.ge/olympiad/

 კითხვების შემთხვევაში მოგვწერეთ ელ ფოსტაზე: stem@komarovi.edu.ge

 ან დაგვიკავშირდით ნომერზე: 593332103

გისურვებთ წარმატებას!