კომაროვის სკოლის 2024 წლის კურსდამთავრებული მიხეილ ვაზაგაშვილი სწავლას, სრული დაფინანსებით, კოლუმბიის უნივერსიტეტში (Columbia University) მექანიკური ინჟინერიის მიმართულებით გააგრძელებს.

კოლუმბიის უნივერსიტეტი სიძველით ნიუ-იორკის შტატში პირველი, ხოლო აშშ-ის მასშტაბით მეხუთე უმაღლესი სასწავლებელია. იგი ერთ-ერთი წამყვანი უნივერსიტეტია მსოფლიოში.

Columbia University-ში სწავლის გადასახადი 374 000$-მდე აღწევს.

მიხეილი:

• CERN-ის მიერ ჩატარებული ფიზიკის კვლევითი კონფერენციის გამარჯვებულია;

• კინგსის ოლიმპიადის ერთხელ მესამე ადგილის მფლობელი და ერთგზის გამარჯვებულია;

• ეროვნული ოლიმპიადის ფინალისტია;

• კომაროვის სასკოლო ჰაკათონში მეორე ადგილის მფლობელია;

• SAT Club-ის პრეზიდენტია;

კომაროვის სკოლა ულოცავს მიხეილს და მომავალშიც მრავალ წარმატებას უსურვებს!