საზოგადოებრივი მაუწყებლის პროექტ "ტელესკოლის" მე-12 კლასის მათემატიკის გაკვეთილებს კომაროვის მასწავლებელი დიმიტრი არაბიძე ატარებს.
- 27 აპრილი, 2020
საზოგადოებრივი მაუწყებლის პროექტ "ტელესკოლის" მე-12 კლასის მათემატიკის გაკვეთილებს კომაროვის მასწავლებელი დიმიტრი არაბიძე ატარებს.
დიმიტრი არაბიძეს წამყვანი მასწავლებლის სტატუსი აქვს.
ხელმძღვანელობს სკოლის სწავლის ხარისხის განვითარების სამსახურს.
2008 წელს პედაგოგიური მოღვაწეობა დაიწყო კომაროვის სკოლაში, რომლის ერთ-ერთი წარმატებული კურსდამთავრებულია.
მუდმივად ზრუნავს თვითგანვითარებაზე და გამოირჩევა სიახლეებისადმი განსაკუთრებული მიმღებლობით, რაც მნიშვნელოვნად განაპირობებს მოსწავლეთა მოტივაციის ზრდას, აქტიურობას, როგორც სასკოლო, ასევე ეროვნულ და საერთაშორისო დონეზე. მისმა მოსწავლეებმა 32-ჯერ მიიღეს სხვადასხვა საერთაშორისო ოლიმპიადაში მონაწილეობა, როგორიც არის მათემატიკის საერთაშორისო, ჟაუტიკოვის საერთაშორისო და ევროპის გოგონათა მათემატიკის ოლიმპიადები, სადაც მოპოვებული აქვთ 3 ოქროს, 5 ვერცხლის, 11 ბრინჯაოს მედალი და 3 საპატიო სიგელი.
1999-2002 წლებში, თავად არის მათემატიკისა და ფიზიკის ეროვნული ოლიმპიადების არაერთგზის გამარჯვებული და პრიზიორი. 2002 წელს, მათემატიკის საერთაშორისო ოლიმპიადის სიგელის მფლობელია.
იხილეთ, დიმიტრი არაბიძის ტელე-გაკვეთილი აბიტურიენტებისათვის, თემაზე კვადრატული ფუნქცია.
კომაროვის სკოლა წარმატებას უსურვებს "ტელესკოლას" და დიმიტრის!