კომაროვის სკოლის მოსწავლეების მიერ წარდგენილმა ვიდეობლოგმა, კონკურსში - ,,ქართული ენა და ინტერნეტი“ მეორე საპრიზო ადგილი დაიმსახურა!
- 15 აპრილი, 2019
სახელმწიფო ენის დეპარტამენტის, თბილისის მერიისა და საქართველოს განათლების, მეცნიერების, კულტურისა და სპორტის სამინისტროს ერთობლივ კონკურსში - ,,ქართული ენა და ინტერნეტი“ კომაროვის მე-11 (მესამე) კლასის მოსწავლეების - დავით კუჭუხიძისა და ნიკოლოზ შენგელიას მიერ წარდგენილმა ვიდეობლოგმა (ქართული ენისა და ლიტერატურის მასწავლებელი: ნათია ნაყოფია) მეორე საპრიზო ადგილი დაიმსახურა.
14 აპრილს ივანე ჯავახიშვილის სახელობის თბილისის სახელმწიფო უნივერსიტეტმა უმასპინძლა გამარჯვებულებს. სხვა გამარჯვებულ მონაწილეებთან ერთად ჩვენი მოსწავლეები ჟიურის წევრებისგან დაჯილდოვდნენ სიგელებითა და ფასიანი საჩუქრებით .
კიდევ ერთხელ ვულოცავთ ჩვენს გამარჯვებულ მოსწავლეებს ამ წარმატებას!
გთავაზობთ ვიდეობლოგის ბმულს და ფოტომასალას: